दूतावासले नेपाली नागरिकहरूलाई राहदानी जारी गर्दछ। विद्युतीय राहदानी (e-Passport) मा बहाल अवधि वा पृष्ठहरु थप गर्न नमिल्ने भएकोले सो अगावै रीतपूर्वक नयाँ राहदानीका लागि आवेदन दिनुपर्नेछ। यद्यपि, राहदानी हराएको, बिग्रेको वा च्यातिएको, पानाहरु सकिएको अवस्थामा बहाल अवधि रहँदै नयाँ राहदानीका लागि आवेदन दिन सकिनेछ। आवेदकले दूतावासमा व्यक्तिगत रुपमा उस्थित भएर आवेदन पेश गर्न मिल्दछ।
राहदानी फाराम भर्न यहाँ क्लिक गर्नुहोस्।
शूल्क संरचना
सि.न |
सेवा |
शूल्क |
1
|
नयाँ राहदानी बनाउन/ नविकरण गर्न
|
120 युरो - 34 पृष्ठको लागि
170 युरो- 66 पृष्ठको लागि
10 वर्ष मुनिका नाबालकको हकमाः
60 युरो - 34 पृष्ठको लागि
110 युरो- 66 पृष्ठको लागि
|
2.
|
हराएको/ बग्रिएको राहदानी बनाउन
|
180 युरो - 34 पृष्ठको लागि
255 युरो- ६६ पृष्ठको लागि
10 वर्ष मुनिका नाबालकको हकमाः
90 युरो- 34 पृष्ठको लागि
165 युरो- 66 पृष्ठको लागि
|
|
|
|
राहदानी फाराम भर्ने तरिकाको लागि यहाँ क्लिक गर्नु होस।
राहदानी फारामको लागि यहाँ क्लिक गर्नु होस।
साथमा लिएर आउन पर्ने कागजातहरू
बालिग (नागरिकता प्राप्त) आवेदकको हकमा
- फाराम भरे पश्चात् प्राप्त बारकोड तथा QR कोड सहितको फारामको प्रति (प्रिन्ट), (राहदानी फाराम भर्नको लागि यहाँ क्लिक गर्नु होस)
- नेपाली नागरिकता सक्कल र फोटोकपी।
- पुरानो राहदानी (पहिले बनाएको भएमा मात्र) सक्कल प्रति र फोटोकपी।
- राहदानी हराएको खण्डमा राहदानी हराएको स्थानको पुलिस अफिसबाट जारी गरिएको पुलिस रिपोर्ट ( पुलिस रिपोर्टमा हराएको राहदानी नम्बर अनिवार्य उल्लेख भएको हुनु पर्नेछ)।
- हाल बसोबास गरेको देशको आधिकारिकता खुल्ने कागजात सक्कल र सो को फोटोकपी
नाबालकको हकमा
- फाराम भरे पश्चात् प्राप्त बारकोड तथा QR कोड सहितको फारामको प्रति (प्रिन्ट), (राहदानी फाराम भर्नको लागियहाँ क्लिक गर्नु होस)
- नेपालमा जन्मेको बच्चाको हकमा नाबालिक परिचयपत्र सक्कल र सो को फोटोकपी
- स्पेनमा र माल्टामा जन्मेको बच्चाको हकमा जन्मदर्ता सक्कल र सो को फोटोकपी
- बुबा आमाको नेपाली नागरिकता, राहदानी र विवाहदर्ता सक्कल र सोको फोटोकपी
- राहदानी हराएको खण्डमा राहदानी हराएको स्थानको पुलिस अफिसबाट जारी गरिएको पुलिस रिपोर्ट ( पुलिस रिपोर्टमा हराएको राहदानी नम्बर अनिवार्य उल्लेख भएको हुनु पर्नेछ।
- बुबा, आमा र बच्चाको बसोबास गरिरहेको देशको आधिकारिकता खुल्ने कागजात सक्कल र सो को फोटोकपी
👉 दूतावासमा नाबालकको बाबु वा आमा कागजातसहित उपस्थित हुनुपर्ने छ।
👉 अस्थायी नम्बर लिनु पर्नेः नेपाली आमा-बाबुबाट विदेशमा जन्मेका सन्तानको हकमा नाबालिग परिचयपत्र नहुने भएकोले जन्म दर्ताको प्रमाणपत्र (TOMO) लाई मुख्य आधार मानी दूतावासले कामचलाउ रुपमा दर्ता किताब खडा गरी अस्थायी दर्ता नम्बर प्रदान गर्दछ, जुन नम्बर नागरिकता भएको महलमा भर्नु पर्दछ, जारी स्थान म्याड्रिड उल्लेख गर्नु पर्नेछ।
अन्य आवश्यक कागजातहरू
- नागरिकतामा रहेको जन्म मिति र शैक्षिक योग्यतामा रहेको जन्म मिति फरक परेमा शैक्षिक योग्यताको प्रमाणपत्रमा रहेको जन्म मिति कायम गरी राहदानी लिनु पर्ने अवस्थामा एसएलसी वा सो सरह वा सो भन्दा माथिल्लो तहको शैक्षिक योग्यताको प्रमाणपत्र।
- विवाहित महिलाले नागरिकतामा रहेको थरको अतिरिक्त पतिको थर कायम गरी राहदानी बनाउनु पर्ने भएमा विवाह दर्ताको प्रमाणपत्र र पतिको नागरिकताको प्रमाणपत्र, तर विदेशी नागरिकसँग विवाह गरी विदेशको नागरिकता नलिएको महिलाको हकमा निजको पुरानो राहदानीमा उल्लेख भएको थर वा नागरिकतामा उल्लिखित थर मात्र कायम हुने छ।
- सम्बन्ध विच्छेद ( Divorce) गरेका महिलाहरूले नागरिकतामा उल्लेख गरिएको थर मात्र कायम गरी राहदानी लिन चाहेमा पारपाचुके प्रमाणपत्र।
दूतावासमा नगदमा राजश्व संकलन नहुने भएकाले दूतावासमा बैक कार्ड मार्फत राजश्व भुक्तानी गर्ने वा दूतावासको बैक खातामा जम्मा गर्न सकिने व्यवस्था रहेको छ।
राजस्व रकम जम्मा गर्ने खाता
Name of Beneficiary: Embassy of Nepal, Madrid
Bank: Caixa Bank
Account No.: ES67 2100 2880 7415 0000 8931
कन्सेपट मा आवेदकको नाम र विवरण खूलाइ उल्लेख गर्नुहोला।
थप जानकारीका लागि यस राजदूतावासको इमेल consular@embajadadenepal.es मा सम्पर्क गर्नुहोला।