Press Release
प्रेस विज्ञप्ति
स्पेनका लागि नेपालको राजदूत डा. शर्मिला पराजुली ढकालज्यूले स्पेनको आन्तरिक मन्त्रालयको अन्तर्राष्ट्रिय सम्बन्धको महानिर्देशक श्री एलेना गार्जोन ओतामेन्डीसँग भेट गर्नुभएको छ। उक्त भेटमा मुख्य रूपमा स्पेनमा रहेका नेपालीहरुको परिवार पुनःमिलन भिसाको सहजीकरणमा केन्द्रित रहेको थियो।त्यसैगरी, भविष्यमा दुई देशबीच अध्यागमन विषयमा हुनसक्ने सहकार्य तथा समन्वयको पनि छलफल भएको थियो। साथै, अन्तर्राष्ट्रिय सम्बन्ध र आप्रवासन निर्देशनालयको समर्थन इकाइका प्रमुख श्री जेमी दे सिकार्ट लारोचा पनि यस भेटमा उपस्थित हुनुभएको थियो।
12 जनवरी 2024
नेपाली राजदूतावास
म्याड्रिड, स्पेन।
